Ұран От тұғыры

Өткен дәуірлерде елге жау шапқанда халықты хабардар ету үшін Отпан тауда Ұран Оты жағылған. Түбектің барлық аймақтарынан көрінген алау от арқылы ерлерден  жиналған қол Ел мен Жерді жаудан қорғаған. Отпан тау басында қазіргі от жағу рәсімі Ұлыстың ұлы күні – Амалда, яғнинаурыздың 13-нен 14-не қараған түні жағылып, ол «Бірлік Оты» деп аталады. Рулық шежіре бойынша қазақтың кенжесі Кіші жүздің қарашаңырағы – Сегіз арыс Адайдың ұрпақтары жыл сайын алауды салтанатты түрде кезектесіп жағады.