Өнер мен білімді серік еткен ұстаздар.

30 қаңтар күні «Адай ата – Отпан тау» тарихи мәдени-кешенінде  өлкеміздің танымал тұлғаларын насихаттауға арналған «Өлке мақтаныштары» атты тағылымды кездесу өтті.

Шара қонақтары: Математик ғалым  5-6 сыныптарға арналған «Математика» оқулығын жазған Ванов Қуантқан, балаларға арналған «Томпи» әуесқой қуыршақ театрының авторы, жетекшісі Аманжолова Бақтыгүл, Қазақстан Суретшілер Одағының мүшесі, үздік суретші, мүсінші, ұстаз Есенов Мейіржан қатысып, өзінің еңбек жолдарын, өмір баянын өнер мен ғылымға қалай қызыққандарын оқушыларға қызықты етіп әңгімелеп берді.

Кездесу барысында оқушылар белсенділік танытып, қонақтарға түрлі сұрақтар қойды. Сондай ақ, Бақтыгүл ұстаз дайындаған Тұщыбек мектеп-бөбекжай кешені оқушыларының қатысуымен қуыршақ театры қойылым қойып, көрермендерге ерекше әсер мен қуаныш сыйлады.

Шара соңында кәсіпорын директоры Ж.Кетеева шараны ұйымдастырушылар мен қатысушы қонақтарға алғысын білдірді. Осындай тағылымды да әсерлі кездесулер өскелең ұрпаққа шығармашылық шабыт беріп, алға ұмтылдырады.