Әзірет Сұлтан мемлекеттік тарихи-мәдени музей-қорығына іс-сапар

Маңғыстау облысындағы «Адай ата-Отпан тау» тарихи-мәдени кешені «Отпан» МКҚК қызметкерлері "Әзірет Сұлтан» мемлекеттік тарихи-мәдени музей-қорығында болып, ғылыми-зерттеу, тарихи-мәдени мұраларды сақтау, құжаттау жұмыстары бойынша тәжірибе алмасты. Жұмыс барысында маңғыстаулық әріптестер музей-қорыққа қарасты ғылыми-зерттеу бөлімі, қор сақтау, тарихи-мәдени мұра ескерткіштерін қорғау және есепке алу бөлімінің жұмыстарымен танысты. Ғалым-археолог Марат Тұяқбаевпен Түркістан өңіріндегі археологиялық зерттеулерге қатысты сұхбаттасып, пікір алмасты. Қожа Ахмет Ясауи, Үкәша ата, Гауһар ана кесенелеріне зиярат жасап, музей-қорыққа қарасты тарихи ескерткіштермен танысты.