«Ана келбеті» құлпытасы

Адай атаның жұбайы кейпіндегі  барлық қазақ аналарының құрметіне қойылған ескерткіш. Жүзінде айдың, жүрегінде күннің бейнесі. Бұл – ананың жүзі айдай жарық, жүрегі күндей ыстық деген мағынаны білдіреді. Құрсақ тұсындағы екі құс – ананың бауырынан түлеп ұшқан ұл-қызы. Ана – ошақтың иесі, үйдің киесі. Сол себепті «Ана келбеті» ескерткіші Адай атамыздың Ақордасы - Ақсарайдың жанына орналасқан. Құлпытас биіктігі 15 метр.