«Мен Қалнияз деген күреңің!»
«Адай ата – Отпан тау» кешенінде қазақтың жауынгер ақыны, Адайдың жорық жыршысы Қалнияз Шопықұлының 200 жылдығына арналған «Мен Қалнияз деген күреңің!» атты әдеби-танымдық шара болып өтті. Шараға Қалнияз атаның тікелей ұрпағы, белгілі шежіреші, Маңғыстау ақын-жырауларының мұраларын жинақтаушы Өмірзақ Қалбаевтың інісі Құлтан Тәуірбаев, Қалнияздың сүйегін Маңғыстауға әкелуге атсалысқан азамат Әби Қарабаев, Атақозы батыр ұрпағы Жұмабай Әсемұлы, аталас ағайыны Еламан Дарханбайұлы, Республикалық «Қосай ата» қорының төрағасы Сағидолла Төленов, «Маңғыстау облыстық ауған соғысы ардагерлері» қоғамдық бірлестігінің төрағасы Қартбек Дүйсенбаев және Жыңғылды селосының Сәду Нұрниязұлы атындағы мектеп-интернаттың ұстаздары мен оқушылары қатысты.
Қатысушылар әуелі «Бата төбе» басындағы Қалнияз ақынның бейітіне зиярат етіп, басына құран оқып, дұға бағыштады. Одан шыққан соң «Отпан» МКҚК ұйымдастырған бұл шара кешендегі «Қарашаңырақта» жалғасты. Шараны мекеме ардагері, «ҚР мәдениет саласының үздігі» Данияр Аралбаев Қалнияз ақынның өміріне арналған «Қалнияз Шопықұлы және оны Отпан тауға қоюдың идеялық маңызы» атты баяндамасымен ашты. Содан соң кезегімен келген қонақтардан Қалнияз атаның тікелей ұрпағы Құлтан Тәуірбаев, «Маңғыстау облыстық ауған соғысы ардагерлері» қоғамдық бірлестігінің төрағасы Қартбек Дүйсенбаев сөз алды. Көп жылдар Маңғыстау ауданының мәдениет саласында автоклуб меңгерушісі болып істеген, мәдениет майданының майталманы, Шайыр ауылының тұрғыны Тәжиев Қарамырза Қалнияздың «Биік қылып сөйлейін» толғауын асқақтата толғаса, Жыңғылды ауылы мәдениет үйінің қызметкері Бектұров Ниязтұрлы Қалнияздың «Тойбастарын» шалқыта шырқады.
Адайдың жорық жыршысы, қазақтың жауынгер ақыны Қалнияз Шопықұлы 1816 жылы Маңғыстау облысы, Бейнеу ауданының Сам құмында дүниеге келген. Әкесі Шопық Доспамбетұлы жас кезінде Еділ, Жайық өзендері арасындағы Нарын құмын мекендеген. Кейін Маңғыстауға беттеп, Қарақұм, Үстірт жерінде байлардың малшысы болады. Өмірі жалшылықпен өткен Шопықтың Қалнияз, Көлнияз, Ернияз, Қапа, Рақа, Тілеубай атты 6 баласының үлкені Қалнияз қаршадайынан бай малын бағып, өмірдің тауқыметі мен қиындығын ерте татып, ерте ержетіп, қайралып өседі. Ер жетіп, атқа қонған соң қоржынының бір басына сұқпалы домбырасын, екінші басына жебелерді толтырып салып, асынып жүретін болған.
Оған жаратқан Алла небір жақсы қасиеттерді үйіп берген: ол ақпа-төкпе ақын болумен қатар, жыршы, әнші және күйші де болған. Қалнияз осылай заманында сегіз қырлы, бір сырлы тұлға аталған. Қалнияз Шопықұлы ерлік толғауларымен қатар «Балуанияз», «Ер Қармыс» атты дастандар шығарған. «Ер Қармыс» жырында :
- Қармыс сынды ер қайда?
Айдын-айдын көл қайда?
Жағалай қонар ел қайда?
Маңғыстаудай жер қайда?
Алпыс басты ақ орда,
Айбарақты көрсетіп,
Төске тігер күн қайда ?
Алтын сандық, алпыс тең
Төрге жинар күн қайда?..
Алтын шашбау тағынып,
Құлпырып шығар күн қайда?
Қатар да қатар қара нар
Қатар тіркер күн қайда?
Қалы кілем жаптырып
Ырғала көшер күн қайда?..- деп Қармыстың ерлігін суреттей отыра бұрынғы баба дәуренді аңсап, Доспамбетше толғайды.
Сонымен қатар шаршы топта қарсыласқа дес бермес, есе жібермес азулы айтыс ақыны да болған. Бізге жеткен Кете Тәжібаймен, Жаскілеңмен айтыстары, Хиуа ханының тұтқынына түсіп, алдына барғанда сөйлеген сөздері ақынның сөзден дауыл да тұрғызар, кесте де тоқи алар құдіретін көрсетеді. Ол «Байұлыға белгілі, ұстазым – Тіней Өгізбай» деп Өгізбайды ұстаз тұтып өткен.
Ресей империясы үкіметінің 1868 жылғы «Уақытша ережесіне» наразылық білдіріп, қарсылық көрсеткен Маңғыстау қазақтарының Иса, Досан батырлар бастаған көтерілісі Ресей тарапынан аяусыз басылғаннан кейін біраз ауыл Хорезм өңіріне ауа көшеді. Бұл мекенде де көп тұрақтамай, 1870 – 1885 жылдар аралығында бірқатар Адай, Табын ауылдарын бастап тәжік жеріне өтіп, одан көшіп Ауғанстанның Гөрібағлан деген жеріне тоқтайды. Бірақ жергілікті ауған әкімдерінің талауына көне алмай Есембет Балжігіт, Жанжігіт және Бәли Марқабай батырлардың ұрыса көшуімен сол ауылдардың бірқатары қайта тәжік жеріне көшеді. Бұқар әміріне қарасты бұл аймақты қоныс ету үшін Байбақты Нұрмағамбет пен Қырықмылтық Жарған қажылар-дың қызмет етуі арқасында, бұрын елсіз жатқан жерлерді мекен етеді.
Ақын қартайған шағында өлең-толғаулар шығарып, жорықтарға бірге аттанған батырларды сағына еске алып, ата қоныс, туған жерін аңсап, елден шалғай жүргеніне налиды. Қолайлы қоныста отырса да елді аңсап, ата мекенге оралу ниетімен бірқатар ауылмен бірге Душанбе, Гиссар бетке көшеді. Бірақ ол мақсатына жете алмай, Қалнияз 1902 жылы 86 жасында Гиссар қыстағында сол жерді мекендеген қазақтар арасында дүниеден өтіп, сонда жерленеді. 2015 жылы Алланың қалауымен, Маңғыстау халқының сұрауымен, артынан өнген ұрпақтары ата мекеніне әкеліп, ақынның киелі сүйегі өзі аңсап, жырлап өткен Маңғыстауына әкелініп, кәрі Отпан тау етегіне, «Адай ата – Отпан тау» кешені маңайынан мәңгілік мекен тапты.
«Отпан» МКҚК мен Жыңғылды селосы Сәду Нұрниязұлы атындағы мектеп-интернаттың өнерлі оқушылары қатысуымен дайындалған, Қалнияз ақынның жырларынан құрылған әдеби-көркем көрініс қатысушылар назарына ұсынылды. Өскелең ұрпақтың өлең мен жырға деген құмарлығы мен орындауға деген ұмтылысы тыңдаушыларды ризалық сезімге бөледі. Әсіресе Қалнияз ақын бейнесін сомдаған Хожабаев Жәмшидтің өлең оқу мәнері көпшілікке ерекше ұнады.
Шара соңында Республикалық «Қосай ата» қорының төрағасы Сағидолла Төленов сөз сұрап, мекеме құрылғаннан бері табан аудармай қызмет етіп келе жатқан еңбегі үшін Дәуітов Бөкенбайға «Қосай ата» меделін тапсырды. Қатысушыларға биыл ғана «Сардар» баспасынан шыққан «Қалнияз едім күнінде» атты Қалнияз ақынның жырлар жинағы тарту етілді. Шараға 41 адам қатысып, 2 экскурсия өткізілді.
28 қараша 2017
Отпандағы ақындар кездесуі
25 қараша күні «Отпан» тарихи-мәдени кешенінде облыстағы белгілі ақындардың аға буын өкілдері мен жаңа буын жас талап ақындарының дәстүрлі кездесуі өтті. Жыңғылды ауылы Е.Айшуақұлы атындағы және Мұнайлы ауданы №11 орта мектептерінің оқушылары мен ұстаздары, Тұщыбек ауылының тұрғындары мен әкімі қатысты.
«Адай ата – Отпан тау» кешенінің ашылғанына биыл 10 жыл толды. Осы уақыт
Жәрияланған уақыты: 11:0222 қараша 2017
Отпанда отан қорғаушыларды шығарып салды
22 қараша күні
Елбасының «Болашаққа бағдар. Рухани жаңғыру» бағдарламасы шеңберінде өткізіліп
отырған «Отпан» тарихи-мәдени кешенінде әскер қатарына аттанушы жастарды «Отан
қорғау – азаматтық парызың» атты патриоттық шара болып өтті. Шараға Маңғыстау
ауданының әскер қатарына шақырылған 10 жігіті, Маңғыстау аудандық қорғаныс істері
жөніндегі бөлімнің қызметкерлері, республика Қарулы күштерінің ардагері,
ауыл ақсақалдары,
30 қазан 2017
"Отпан" тарихи-мәдени кешеніне - 10 жыл
28 қазан күні Отпан тауда "Отпан" тарихи-мәдени кешенінің 10 жылдығы аталып өтті. Үш жүздің төбе билері - Төле, Қазыбек, Әйтеке билерге ескерткіш орнатылып, облыс әкімі Ералы Тоғжанов, мемлекет, қоғам қайраткері Өмірзақ Озғанбаев пен кешен идеясының авторы Сабыр Адай ашу рәсімін жасады. Ескерткіш авторы - белгілі мүсінші Көшер Байғазиев, қаржылай демеуші - "«Корпорация Каспий Строй-Сервис» ЖШС (бас директоры Самат Мусабаев). Сонымен
Жәрияланған уақыты: 17:4926 қыркүйек 2017
Жастар форумына қатысушылар Отпанға арнайы келді
Облысымызда Маңғыстау облысы жастар саясаты жөніндегі басқармасының ұйымдастыруымен республикалық жастар форумы өткені белгілі. Қыркүйек айының 23 күні форумға қатысушылар «Отпан» тарихи-мәдени кешеніне арнайылап келіп, кешенді, қонақтарға арнап жасақталған алтыбақан мен фотокөрмені, Маңғыстау ауданының көркемөнерпаздары дайындаған концертті тамашалап, ұлттық тағамдардан ауыз тиді.
Жәрияланған уақыты: 14:1617 қыркүйек 2017
Блогерлер - Отпанда
16 қыркүйекте облыста жүріп жатқан «Жаңғырған Жібек жолы» жобасына
байланысты «Отпан» тарихи-мәдени кешеніне республиканың
түкпірлерінен
блогерлер келді. Кешен қонақтары «Ақсарай» мұражайының көрмелік
экспозицияларын аралап, кешендегі ескерткіш нысандар туралы толық мәлімет
алды.
24 маусым 2017
«Менің Отаным – Қазақстан» туристік-өлкетану экспедициялық жасақтарының республикалық слеті
Жыңғылды ауылының Сәду Нұрниязұлы атындағы мектеп-интернат базасында, Маңғыстау туризм колледжі мен «Отпан тау» тарихи-мәдени кешенінде «Менің Отаным – Қазақстан» туристік-өлкетану экспедициялық жасақтарының республикалық слеті болып өтті.
Екі күндік жарыс нәтижесінде түрлі номинация бойынша төмендегі командалар жоғары нәтиже көрсетіп, жүлделі орындарға ие болды:
«Туристік-бақылау маршруты»:
- І орын – Батыс Қазақстан облысының командасы;
4 маусым 2017
«Мемлекеттік рәміздер – тәуелсіздік нышандары» атты лекция
4 маусым "Қазақстан Республикасының мемлекеттік Рәміздері күні" аталып өтілді. Шара басында келушілердің қатысуымен мерекеге орай ҚР мемлекеттік әнұраны орындалып, мекеме қызметкері Маржан Нарешова кешенге келушілерге «Мемлекеттік рәміздер – тәуелсіздік нышандары» атты лекция оқып, рәміздер тарихы туралы айтып берді.
4 маусым 2017
«Мемлекеттік рәміздер – тәуелсіздік нышандары» атты лекция
4 маусым "Қазақстан Республикасының мемлекеттік Рәміздері күні" аталып өтілді. Шара басында келушілердің қатысуымен мерекеге орай ҚР мемлекеттік әнұраны орындалып, мекеме қызметкері Маржан Нарешова кешенге келушілерге «Мемлекеттік рәміздер – тәуелсіздік нышандары» атты лекция оқып, рәміздер тарихы туралы айтып берді.
2 маусым 2017
«Бала шақтан – болашаққа»
1 маусым – халықаралық балаларды қорғау күніне орай «Отпан» МКҚК Жыңғылды селосындағы «Ақ шағала» балабақшасының ұжымымен бірлесіп «Балашақтан – болашаққа» атты дәстүрлі мерекелік шараны Жыңғылды селосының мәдениет үйінде өткізді.
Шарада құттықтау сөз «Отпан» МКҚК бөлім меңгерушісі Қ. Ізімбергенова мен бала бақша меңгерушісі Майра Манарбекқызы және топ жетекшілері Раушан Сейтқалиева мен Роза Құлбарақова сөйлеп, балаларды мерекелерімен құттықтады.
Көрермендерге
Жәрияланған уақыты: 10:072 маусым 2017
«Бала шақтан – болашаққа»
1 маусым – халықаралық балаларды қорғау күніне орай «Отпан» МКҚК Жыңғылды селосындағы «Ақ шағала» балабақшасының ұжымымен бірлесіп «Балашақтан – болашаққа» атты дәстүрлі мерекелік шараны Жыңғылды селосының мәдениет үйінде өткізді.
Шарада құттықтау сөз «Отпан» МКҚК бөлім меңгерушісі Қ. Ізімбергенова мен бала бақша меңгерушісі Майра Манарбекқызы және топ жетекшілері Раушан Сейтқалиева мен Роза Құлбарақова сөйлеп, балаларды мерекелерімен құттықтады.
Көрермендерге
Жәрияланған уақыты: 10:0723 мамыр 2017
«ҚР мәдениет саласының үздігі» Данияр Аралбаевтың шығармашылығы мен өмір жолы
Отпан тауда мәдениет пен өнер саласы қызметкерлерінің күніне орай дәстүрлі «Өлке мақтаныштары» шарасы өткізілді. Шара «Отпан» МКҚК құрылғаннан бері үзбей қызмет істеп келе жатқан мекеме ардагері, «ҚР мәдениет саласының үздігі» Данияр Аралбаевтың шығармашылығы мен өмір жолына арналды.
Шара қонақтары ішінде Қазақстан Журналистер Одағының мүшесі, сатирик Қожахмет Демеубергенұлы, Қазақстан Жазушылар Одағының мүшесі, ақын Рза Оңғарбай, «Адай ата – Отпан тау» тарихи этно-мәдени кешені
Жәрияланған уақыты: 10:0523 мамыр 2017
«ҚР мәдениет саласының үздігі» Данияр Аралбаевтың шығармашылығы мен өмір жолы
Отпан тауда мәдениет пен өнер саласы қызметкерлерінің күніне орай дәстүрлі «Өлке мақтаныштары» шарасы өткізілді. Шара «Отпан» МКҚК құрылғаннан бері үзбей қызмет істеп келе жатқан мекеме ардагері, «ҚР мәдениет саласының үздігі» Данияр Аралбаевтың шығармашылығы мен өмір жолына арналды.
Шара қонақтары ішінде Қазақстан Журналистер Одағының мүшесі, сатирик Қожахмет Демеубергенұлы, Қазақстан Жазушылар Одағының мүшесі, ақын Рза Оңғарбай, «Адай ата – Отпан тау» тарихи этно-мәдени кешені
Жәрияланған уақыты: 10:0512 мамыр 2017
Сисем атаға саяхат
«Туған жер » бағдарламасына сәйкес «Отпан» МКҚК қызметкерлерінің қатысуымен киелі орындармен танысу бағытында Үстірттегі «Сисем ата» қорымына экскурсия ұйымдастырылды.
8 мамыр 2017
Cовет Одағының Батыры Біләл Қалиевтің 100 жылдығына арналған "Ер есімі өшпейді ел есінен" атты патриоттық шара
«Отпан» МКҚК мен С.Нұрниязұлы атындағы мектеп-интернат ұжымдарының ұйымдастыруымен жерлесіміз, Совет Одағының Батыры Біләл Қалиевтің 100 жылдығына арналған "Ер есімі өшпейді ел есінен" атты патриоттық шара болып өтті. Шараның мақсаты: "Ерлер есімін ешқашан ұмыттырмау " деген қағиданы ұстана отырып, жас ұрпақты Отан тарихына деген сүйіспеншіліктерін арттыру, есіл боздақтардың ерлік істеріне тағзым етуге, халқымыздың тарихын құрметтей білуге тәрбиелеу.
8 мамыр 2017
Cовет Одағының Батыры Біләл Қалиевтің 100 жылдығына арналған "Ер есімі өшпейді ел есінен" атты патриоттық шара
«Отпан» МКҚК мен С.Нұрниязұлы атындағы мектеп-интернат ұжымдарының ұйымдастыруымен жерлесіміз, Совет Одағының Батыры Біләл Қалиевтің 100 жылдығына арналған "Ер есімі өшпейді ел есінен" атты патриоттық шара болып өтті. Шараның мақсаты: "Ерлер есімін ешқашан ұмыттырмау " деген қағиданы ұстана отырып, жас ұрпақты Отан тарихына деген сүйіспеншіліктерін арттыру, есіл боздақтардың ерлік істеріне тағзым етуге, халқымыздың тарихын құрметтей білуге тәрбиелеу.
22 сәуір 2017
Батыс Қазақстан облысына іссапар
«Отпан» тарихи мәдени кешені қызметкерлері: тарих бөлімінің меңгерушісі Құралай Ізімбергенова және кешен экскурсоводы Маржан Нәрешова Орал қаласындағы Батыс Қазақстан облысына іссапармен барды.
Батыс Қазақстан облыстық әкімдігі білім басқармасының балалар мен жасөспірімдер туризмі және экология орталығында «Отпан» қызметкерлері жасақтаған Отпан тарихына байланысты «Ордалы Отпан – тағылымды тарих» және Маңғыстаудың киелі орындарына арналған «Маңғыстау – машайықтар
Жәрияланған уақыты: 09:5716 наурыз 2017
"ҚХА облыстық семинарына қатысушылар - Отпанда"
16 наурыз күні Қазақстан халқы Ассамблеясының ұйымдастыруымен Ақтау қаласында өткен семинарға қатысушылар кешенге келіп, Адай ата кесенесіне зиярат жасап, Адай ата рухына құран бағышталды.
Жәрияланған уақыты: 23:23
14 наурыз 2017
"Ұлттық қолөнер бұйымдарының көрме-жәрмеңкесі"
14 наурыз күні «Амал-2017» мерекесі аясында «Отпан» МКҚК қызметкерлерінің ұйымдастыруымен екінші рет ұлттық қолөнер бұйымдарының көрме-жәрмеңкесі ұйымдастырылды. Көрме-жәрмеңкеге облысымыздың Ақтау, Жаңа өзен қалалары мен Маңғыстау, Қарақия, Мұнайлы аудандарынан және Алматы қаласынан 16 шебер қатысып, өздерінің қолдарынан шыққан бұйымдарын көпшілікке ұсынды.
Жәрияланған уақыты: 23:15
6 наурыз 2017
«Аналар – ошақ бақыты» атты мәдени шарасы
6 наурыз күні Халықаралық әйелдер күніне арналған «Аналар – ошақ бақыты» атты мәдени шараға Шайыр орта, Тұщыбек негізгі орта мектеп оқушылары, Жармыш аулынан көп балалы, өнерлі де өнегелі аналары Күбікова Ақкенже, Балиғатова Бану, Кенғанова Түрше, Қалаубаева Гүлзия қонақ ретінде қатысты.
Жәрияланған уақыты: 22:53
24 ақпан 2017
"ҚР мәдениет және спорт министрінің орынбасары Ақтоты Райымқұлова Отпанда"
24 ақпан күні «Отпан» кешеніне облысқа ресми іссапармен келген ҚР мәдениет және спорт министрінің орынбасары Ақтоты Райымқұлова келіп, Адай ата кесенесіне зияраттап, Ақсарай мұражайын аралады. Вице-министр кешенге келген құрметті қонақтарға арналған «Естелік кітабына» қолтаңба қалдырды. Вице-министрмен бірге облыс әкімшілігі қызметкерлері, Маңғыстау ауданы әкімінің орынбасары Е.Махмутов, т.б. болды.
Жәрияланған уақыты: 12:50
22 ақпан 2017
«Жарасар алтын ілгек ақ көйлекке»
22 ақпан Шетпе гимназиясының оқушыларына өлкемізге белгілі халық композиторы, әнші, қолөнер шебері Қайып Қорабайұлының туғанына 160 жыл толуына орай, оның шығармашылығына арнап «Жарасар алтын ілгек ақ көйлекке» атты танымдық шара өткізіліп, оқушыларға лекция оқылды.
Жәрияланған уақыты: 22:472 ақпан 2017
«Салбурын -2017»
2 ақпан күні қазақ халқының саятшылық, құсбегілік өнеріне арналған жергілікті Тұщыбек ауылы құсбегілерінің қатысуымен дәстүрлі «Салбурын» атты дәстүрлі танымдық–этнографиялық шара өткізілді.Шараға Шайыр орта мектебі, Тұщыбек негізгі орта, Е.Айшуақұлы атындағы орта мектеп оқушылары, саят өнері жанкүйерлерінің бір тобы
Жәрияланған уақыты: 22:4116 қараша 2016
«Тәуелсіздік – тұғырым»
16 қараша күні Қазақстан тәуелсіздігінің 25 жылдығына орай «Тәуелсіздік – тұғырым» атты шара өткізілді. Шараға Тұщыбек ауылының еңбек ардагерлері мен мектеп оқушылары қатысты. ҚР тәуелсіздігінің тарихы мен маңыз-дылығы туралы «Отпан» МКҚК бөлім меңгерушісі Қ. Ізімбергенова баяндама оқыды.
Отпан ауылдық округының әкімі О. Морханов, ауыл ақсақалдары сөз сөйледі. Шара концерттік
Жәрияланған уақыты: 14:2710 қараша 2016
«Есбол Өмірбаев – 100 жаста»
Өмірі мен қызметіне арнап Ұштаған, Онды және Жармыш орта мектеп оқушыларымен кездесу ұйымдастырып, лекция оқу (Әдеби-танымдық шара). 9-10 қарашада Ұштаған, Онды, Жармыш мектептері оқушыларымен белгілі өлкетанушы Есбол Өмірбаевтың 100 жылдығына орай «Маңғыстаудың Марғұланы» атты кездесу өткізілді. Шара барысында оқушыларға Е.Өмірбаев туралы 7,5 минуттік бейнефильм көрсетілді, сонымен қатар өлкета-нушының шығармашылығына байланысты кітаптардан көрме көрсетілді.
Жәрияланған уақыты: 23:55
Соңғы хабарлар
06 желтоқсан 2024
«САЛБУРЫН-2024»
08 қазан 2024
КЕШЕН ҚЫЗМЕТКЕРЛЕРІ ҰЛЫТАУҒА ІССАПАРҒА БАРЫП ҚАЙТТЫ.
20 қыркүйек 2024
Дәстүрлі шарада Жармыш ауылының өнерпаздары өнер көрсетті.
